影片
更多
2019-12-24
44 浏览
昨天和老公來西營盤吃 Weekend Brunch，回程時在區內四處逛逛，無意中發現這間主打台灣牛肉麵的餐廳「阿珠嬤」。瀏覽過網上食評，見風評不俗，加上之前有食友幫襯過，應該係信心嘅保證，今晚就一於再來西環開餐。。餐廳面積不大，只可以坐到大約八檯客，不過裝修唔錯，新淨企理。拿起店員送上的點菜紙，食物一共有六個大類，而選項就分別為：牛肉麵系列、手路菜系列、私房拌麵、饕客最愛、行家精選及國民飲品。牛肉麵是每次吃台灣菜必點之物，再加多客炸物拼盤，滷鴨翅及燙青菜，應該足夠兩人分享。先來的炸物拼盤 ($58) 份量十足，碟上共有四款小吃，包括香腸、花枝丸、鹹酥雞同地瓜球。台灣香腸向來有水準，因為味道偏甜，好易入口，再加上配埋切片生蒜，更能帶出新鮮台灣豬肉的鮮甜味！花枝丸炸至金黃色，彈牙味鮮。鹹酥雞粉漿很薄身，炸得夠曬香口，而內裡雞肉亦很嫩滑，啖啖 juicy。地瓜球有黃蕃薯同紫蕃薯兩款，食落幾有蕃薯嘅香同甜味，而且面層炸得好脆，內帶少許煙韌。滷鴨翅 ($35) 一客有齊鴨翼同鴨翼尖各兩隻，鴨翼非常健壯、大大隻，肉質飽滿，吃起來鴨肉緊緻有嚼勁，滷水味很香，但又不會過鹹，用手揸住食更加滋味！燙青菜
昨天和老公來西營盤吃 Weekend Brunch，回程時在區內四處逛逛，無意中發現這間主打台灣牛肉麵的餐廳「阿珠嬤」。瀏覽過網上食評，見風評不俗，加上之前有食友幫襯過，應該係信心嘅保證，今晚就一於再來西環開餐。。
餐廳面積不大，只可以坐到大約八檯客，不過裝修唔錯，新淨企理。
拿起店員送上的點菜紙，食物一共有六個大類，而選項就分別為：牛肉麵系列、手路菜系列、私房拌麵、饕客最愛、行家精選及國民飲品。牛肉麵是每次吃台灣菜必點之物，再加多客炸物拼盤，滷鴨翅及燙青菜，應該足夠兩人分享。
先來的炸物拼盤 ($58) 份量十足，碟上共有四款小吃，包括香腸、花枝丸、鹹酥雞同地瓜球。台灣香腸向來有水準，因為味道偏甜，好易入口，再加上配埋切片生蒜，更能帶出新鮮台灣豬肉的鮮甜味！花枝丸炸至金黃色，彈牙味鮮。鹹酥雞粉漿很薄身，炸得夠曬香口，而內裡雞肉亦很嫩滑，啖啖 juicy。地瓜球有黃蕃薯同紫蕃薯兩款，食落幾有蕃薯嘅香同甜味，而且面層炸得好脆，內帶少許煙韌。
滷鴨翅 ($35) 一客有齊鴨翼同鴨翼尖各兩隻，鴨翼非常健壯、大大隻，肉質飽滿，吃起來鴨肉緊緻有嚼勁，滷水味很香，但又不會過鹹，用手揸住食更加滋味！
燙青菜 ($20)，食完咁多炸物，純粹想點個菜中和下，況且燙青菜比炒菜少油，感覺更健康！
壓尾的冠軍清燉牛肉麵 ($78) 可以揀刀削麵或陽春麵，選了後者。牛肉麵賣相不錯，湯底味道很清，入口滲出清甜的鮮牛味，喝完整碗都不覺口乾，絕無味精。牛肉份量算多，而且件件都軟嫩入味，牛香豐厚，尤其是帶筋位部位，咬下具嚼勁，別有一番風味。再挾起雪白的陽春麵一嘗，麵條很富麵粉香，吸湯後滑溜非常，令人愈吃愈滋味。
店員提醒，點正餐搭配飲品可以減 $6，雖然我哋只係點咗一個麵食，但都揀咗黑糖珍珠鮮奶 ($32) 同鳳梨綠茶各一杯。黑糖珍珠鮮奶有黑糖「掛杯」，賣相很漂亮，用來呃 like 一流！黑糖和奶香平衡得唔錯，而且味道不會太甜。珍珠大大粒，外軟內煙韌，入口富黑糖香。建議飲用前先將飲品拌勻，好讓鮮奶與珍珠充分融合，味道會更加和諧。
至於鳳梨綠茶 (+$14) 味道亦不俗，入口不只有鳳梨的香氣，還可以感受到果茶通透的甘醇與清香，加上鳳梨的天然纖維，口感層次很豐富，而且就算揀咗正常甜度也不會過甜，相當清爽。
张贴
