影片
更多
2024-05-23
120 浏览
之前去深圳玩，見到呢間川渝風味重慶麵館已經好想試，估唔到嚟香港黃埔奇妙坊開咗分店🤩Yeah!終於有得試下先提提大家，就算食唔食得辣，呢度都有得揀！可辣可唔辣任均選擇😆食得辣嘅朋友，特設咗4層辣度選擇，微辣、重慶辣、霸道辣及魔鬼辣，菜式都可以根據個人喜好，揀番辣度，又真係幾貼心！紅碗豌麵滿滿嘅豌豆、肉沫、花生、酸菜同其他配料撈埋一齊食，增加咗層次同口感。湯底有豬骨嘅鮮甜味，麵條彈牙，唔會太軟唔會太硬，真係好飽肚嘅一碗麵食。天府鴨血小麵好特別嘅麵質，透明有如薯粉同冬粉之間嘅口感，粗得嚟有啲Q彈嘅口感。湯底喺麻辣紅油調製，有鴨骨嘅鮮味同豐富嘅香料調配而成，食落更香口。鴨血軟綿綿，入口即溶化感，真係想再追加份鴨血啊！加埋啲蓮藕、豆腐皮絲、窩荀片同大量香菜，增添咗口感同層次。小酥肉麻辣小麵呢款麵質同紅碗豌麵嘅麵條一樣彈牙，又唔會太硬，最重要係麵條好吸湯，令整碗麵都好惹味。紅油麻辣湯底香得嚟唔會過辣，有啲麻辣味同微微甜味。小酥肉脆脆又香口，食落有啲咬勁，食得出啱啱新鮮炸起，而且份量都唔少，唔跟碗叫嘅話，額外叫呢款小食2個人share都可以👍鍋巴土豆呢個係經典冒菜小食，土豆外層炸過保持微香脆，配上鍋
先提提大家，就算食唔食得辣，呢度都有得揀！可辣可唔辣任均選擇😆
食得辣嘅朋友，特設咗4層辣度選擇，微辣、重慶辣、霸道辣及魔鬼辣，菜式都可以根據個人喜好，揀番辣度，又真係幾貼心！
紅碗豌麵
滿滿嘅豌豆、肉沫、花生、酸菜同其他配料撈埋一齊食，增加咗層次同口感。湯底有豬骨嘅鮮甜味，麵條彈牙，唔會太軟唔會太硬，真係好飽肚嘅一碗麵食。
天府鴨血小麵
好特別嘅麵質，透明有如薯粉同冬粉之間嘅口感，粗得嚟有啲Q彈嘅口感。湯底喺麻辣紅油調製，有鴨骨嘅鮮味同豐富嘅香料調配而成，食落更香口。鴨血軟綿綿，入口即溶化感，真係想再追加份鴨血啊！加埋啲蓮藕、豆腐皮絲、窩荀片同大量香菜，增添咗口感同層次。
小酥肉麻辣
小麵
呢款麵質同紅碗豌麵嘅麵條一樣彈牙，又唔會太硬，最重要係麵條好吸湯，令整碗麵都好惹味。紅油麻辣湯底香得嚟唔會過辣，有啲麻辣味同微微甜味。
小酥肉脆脆又香口，食落有啲咬勁，食得出啱啱新鮮炸起，而且份量都唔少，唔跟碗叫嘅話，額外叫呢款小食2個人share都可以👍
鍋巴土豆
呢個係經典冒菜小食，土豆外層炸過保持微香脆，配上鍋巴脆脆嘅口感，有炸過嘅香味同鹹香。未食過呢款小食嘅朋友要試下！鍋巴土豆真係令人食到一啖接住一啖，停唔到口啊🤣
檸檬茶
茶味香濃，帶有微微嘅苦味同埋茶葉嘅香氣。加埋新鮮檸檬汁，更加酸爽有活力，飲落去好解渴同提神。
而家開業期間仲有限定優惠
1️⃣手機自助點餐系統輸入指定優惠碼【HK888】，掃碼點餐，線上下單有港幣$3優惠
2️⃣消費就送限定扇子
3️⃣食滿$88於打卡位揀菜式卡 估中菜式材料嘅正確配搭，額外有禮物
遇見小麵
📍紅磡必嘉街121號黃埔天地奇妙坊 (第一期) 地下G9號舖
(港鐵黃埔站B出口)
營業時間：11:00 – 20:30
张贴
