好味廚 (已結業)

之前去左搵個讀城大既朋友，見肚餓就去左城大個宿舍飯堂食番個lunch啦，之前聽佢講話呢個飯堂一路都有hell can（hall canteen）之名，地獄飯堂喎，真係聽到我個心都離一離呀！結果間野……係冇令我失望既。 咁個飯堂都係食d類似茶餐廳既碟頭飯既野，我就嗌左個聽落最安全既叉燒炒蛋意粉加黑椒汁，諗住有d汁濕濕地咁應該點都唔會伏得去邊掛。之但係，正所謂最安全既地方其實係最危險既地方，最安全既食物亦都係最危險既食物。首先係個意炒，雖然佢已經有d汁撈住，但係仍然食得出個意粉係好乾冇乜水份咁，估計係煮完應該都擺左一段時間先拎俾人食。至於d叉燒炒蛋，雖然d蛋係炒得唔錯，算係夠滑同埋有用鹽調過味，但係d叉燒依然係好劣，咬落既口感好硬，而且太瘦亦都冇乜肉味，最差最差既係成個叉燒炒蛋都好凍好凍，雖然我都知呢d野都一定係整定但係你係咁e都翻熱下丫大佬。不過，個黑椒汁都味道都算唔錯，辣辣地而且都有d黑椒粒刺激下個味覺，將d汁溝哂落其他野度，成碟野都可以算係落得下口既。