Lagom Kaffe (已結業)

第一次去樂感，環境唔錯有空間感，lunch冇book枱，我地一行4人去到等大概5分鐘就有枱。自助落單好方便，睇 menu 其實選擇唔算多，最後我地選左軟殼蟹漢堡，台北燉牛肉意粉，All day breakfast 同埋烤牛肉三文治。飲品方面叫左 oat milkshake。lunch 可以加 $10 幾蚊多杯咖啡，如果 oat milkshake 就要正價叫。 烤牛肉三文治治略咸，啱重口味人士。其他食物中上，至於 oat milkshake 份量啱啱好，每啖都飲到果肉。價錢方面屬於中價，食物味道ok，有特色，環境夠闊落，好坐。