平民扒房@友蠔食 (已搬遷) 新店位置

行過家樂附近正想去越興園食個生牛河，見到新開既餐廳幾吸引，而且都幾多人食緊，同朋友入左黎試試餐廳環境唔錯，年代感既灰色牆身配上少量懷舊裝飾，幾靚的唔少食物相片都用框架鑲起，幾有心思午餐menu幾吸引，有我最鍾意既滑蛋!!晚餐menu都有得睇下，晚餐既選擇都非常多，下次可以黎上試下晚餐而呢度既蠔種類都好多選擇，但太早了，而且天氣又凍凍地，所以都無食點左份菠蘿牛薯物配忌廉炒蛋，見佢咁棧鬼，用牛代替油，都想試下有冇特別既火花中間切開之後放滿炒牛肉，好似好好食!!切開之後我都唔客氣了~估唔到佢菠蘿包酥皮都仲好脆，食落有菠蘿包既香，又有牛肉既甜。牛肉肉係韓式既炒牛肉，洋蔥加牛肉甜甜地，又有燒汁香滑蛋無得輸，仲有少少蛋汁，夠滑又有忌廉香至尊金多寶! 豐富程度好似all day breadfast咁除左滑蛋，有薯蓉、鰻魚、雞扒、豬扒。鰻魚香甜軟滑，油脂超香。雞扒煎得靚，食落嫩滑juicy。唯獨豬扒差少少，有點乾身。午餐都包左一個細湯粉，忌廉湯同蕃茄湯! 我比較鍾意蕃茄湯，夠濃夠重蕃茄味。