Mamaday (已搬遷) 新店位置

無尼食一段時間，居然連地下同一樓都有靚裝修，樓梯亦都係就個唔錯嘅打卡位，除咗有新環境，亦當然唔少得新Menu喇！*此餐廳收取加一服務費。蒜蓉虎蝦比蕯鍾意食既就鍾意食（單點$142），好足料，Pizza口感薄脆；蒜蓉虎蝦肉質肥美，食落有鮮味，配以蒜蓉食用，食落好香口；配料有大量芝士、洋蔥、車厘茄，芝士與批底之間有薯蓉。是日午餐（單點$88），牛油帶子青醬意大利飯，牛油帶子肉質厚肉，味道鮮甜；意大利飯口感煙韌，配料有蝦肉、芝士、鵪鶉蛋。是日濃湯（跟餐$0），忌廉蘑菇湯，內有大量蘑菇粒，味道濃郁。熱美式咖啡（跟餐$0），味道Fruity，飲落好清爽。咦污糟呀你 Dirty常溫（單點$42），雖然外觀唔太Dirty，但係咖啡飲落味道濃香。