原の味 (已結業)

Naked 原之味呢個名俾人地一個簡潔、回歸自然既感覺。今晚因爲要招呼一個外國反黎既朋友，所以就揀左黎呢度。餐廳門面係落地玻璃，四四方方，好有feel。餐廳內外都俾人高檔既感覺，打從一入門口，就感受到親切既招待，舒適既感覺，招呼朋友係一個理想既選擇。餐廳bar枱後有個好大既電視，播放菜式既相，食物幾吸引，同俾人好in既感覺。原之味赤身沙律食正餐前，我地叫左個沙律。材料豐富，有沙律菜、牛油果、果仁、半熟蛋、藍梅同吞拿魚等。蔬果好新鮮，清爽，吞拿魚邊沾左芝麻，煎封，邊熟，內𥚃生，好味！弄穿半熟蛋，倒埋芝麻醬落去撈混食好夾，一流！yummy！玉子海帶豆腐味噌湯菜名講既材料都有，較濃味。精選壽司十二件！好吸引！有帶子、甜蝦、三文魚、海膽、魚子、拖羅等。飯細細舊，魚生厚身，鮮甜。尤其是海膽，好清甜，味道濃郁。正！紅菜頭汁牛油果蟹肉卷紅菜頭係近年好興既健康食物，唔少營養師都推介食用，用黎入餚好適合，顏色亦好靚，成朵花一樣，果然係招牌菜！壽司飯吸晒啲紅菜頭汁，有淡淡既紅菜頭味，夾住牛油果、魚子同蟹肉。成個配搭好夾，好新鮮，味道好好！橙薑汁蒜片烤牛排一食果下好香橙味，跟住有少少薑味，好特別！橙味少食，