izzue coffee (已結業)

某個weekend去太古城行街，經過一間店鋪見到放咗新鮮水果喺門前。再望真啲原來係Izzue嘅期間限定cafe。▫️Lobster Roll Set (HKD88)套餐有龍蝦包加一杯朱古力400次凍咖啡。麵包烘過特別香脆，裡面嘅龍蝦肉爽口彈牙。個龍蝦包size啱啱好，食完唔會太飽😆仲有胡椒味薯片做伴碟呢。杯400次咖啡甜度適中，面層印有Izzue字眼，夠創新之餘亦都好搶眼😝 ▫️Banana Nutella Pancakes Set (HKD58)不喜歡鹹點嘅話可以試吓呢個pancake set!~ 一片片厚切香蕉片放喺熱辣辣嘅班戟上面，再淋上惹味嘅榛子醬，甜品控必試！餐飲係鹹焦糖脆趣鮮奶咖啡。一邊食班戟一邊嘆呢杯暖笠笠嘅咖啡真係好relaxing。店舖用嘅咖啡豆係來自紐西蘭咖啡名店，味道確實不錯。除咗Izzue Coffee，對面仲有間Izzue Market，食完可以入去行吓～有來自世界各地嘅高級特色食品、美酒等。追求優質生活品味嘅人又多一個選擇了。