影片
更多
2015-07-26
246 浏览
在尖沙咀區血拼完大半日，黎到傍晚時份已經好肚餓，系朋友介紹下，專程走去附近佐敦文英街既川燒一同用膳。由於朋友比較咀刁，亦曾經食過川燒，所以都抱住幾大既期望過黎試下。黎到既時候大約七點半，唔需要等位，但已經有唔少人系入面，而且過多幾分鐘就FULL晒。呢到地方唔大，只有大約40個位，但枱都比較細，坐得唔系太舒服。Interior Design系以Japanese Style所主調，但卻用上中國式既燈罩作照明，夾唔夾就見人見智。頭艦我地點左川香海蜇拌青瓜，冷盤用蔥花、蔥絲、辣椒絲同辣椒油涼拌青瓜及海蜇，帶有微辣，作為開胃菜都幾適合。輕輕既麻麻辣辣加上青瓜既清甜真系會食唔停口。但系青瓜如果爽口d會更加好食。燒特級牛脷芯質感都幾彈牙，食落shot shot聲，而且味道好香濃，醃料能夠配合牛肉原有既香味。蒸蟶子王價錢都唔平，要$55一隻。清洗得ok乾淨，冇沙，食起黎質感有d彈牙，睇得出非常新鮮。以少量蒜蓉清蒜已經能夠充份帶出其鮮味，唔錯幾好食!燒大海蝦純綷用上鹽燒，望落仲有d乾; 但由於本身海蝦尚算新鮮，所以只用鹽調味，既能帶出其鮮味既同時，又唔會出現調味料「妹仔大過主人婆」既情況。乾只系表面，肉
黎到既時候大約七點半，唔需要等位，但已經有唔少人系入面，而且過多幾分鐘就FULL晒。呢到地方唔大，只有大約40個位，但枱都比較細，坐得唔系太舒服。Interior Design系以Japanese Style所主調，但卻用上中國式既燈罩作照明，夾唔夾就見人見智。
頭艦我地點左川香海蜇拌青瓜，冷盤用蔥花、蔥絲、辣椒絲同辣椒油涼拌青瓜及海蜇，帶有微辣，作為開胃菜都幾適合。輕輕既麻麻辣辣加上青瓜既清甜真系會食唔停口。但系青瓜如果爽口d會更加好食。
燒特級牛脷芯質感都幾彈牙，食落shot shot聲，而且味道好香濃，醃料能夠配合牛肉原有既香味。
蒸蟶子王價錢都唔平，要$55一隻。清洗得ok乾淨，冇沙，食起黎質感有d彈牙，睇得出非常新鮮。以少量蒜蓉清蒜已經能夠充份帶出其鮮味，唔錯幾好食!
燒大海蝦純綷用上鹽燒，望落仲有d乾; 但由於本身海蝦尚算新鮮，所以只用鹽調味，既能帶出其鮮味既同時，又唔會出現調味料「妹仔大過主人婆」既情況。乾只系表面，肉汁被鎖緊系蝦殼之中，連殼食能夠原汁原味 (因調味料系蝦殼上面，如唔連殼食，就冇甘入味＆Juicy)。
野椒汁燒牛肋骨只有五成熟多少少，生熟程度系剛好吧! 因個人認為牛肉唔能夠煮得太熟，否則會影響肉質，而且失去鮮味。此牛肋骨味道都幾濃郁，特別系加埋野椒汁，變得幾惹味。眼見都有唔少人食呢個菜。唯一建議系牛肉應更加薄切，否則較難咀嚼。
鵝肝既油香係口中迴盪， 香脆既多士吸走鵝肝過多的油脂，食起黎一點都唔油膩，再繞上燒汁，增加左鵝肝既層次，非常可口，想食完再食。
呢到既燒茄子店家已好貼心甘起咗皮， 唔需要自己起d茄肉起到成額汗先食到。茄子淋上肉醬，再加上芝麻，葱花同紅椒絲，非常野味，由於醬料份量唔多，完全唔洗搭心茄子既香甜會被遮住。
辣酒煮東風螺唔係好麻辣， 唔係好食得辣既朋友都應該會接受到。 麻辣係一種很好既調味料，唔會搶味，反而更特顯螺既鮮味，份量亦合理，唔錯!
棉花糖朱古力厚多士於燒棉花糖底下鋪了香蕉，再下面係法國包，棉花糖加香蕉係一個好好食既食法，質感棉棉又香甜，但係個包有點太厚张贴
