Haru Haru (已結業)

在佐敦搵野食，唔係冇野食而係太多野食！琳琅滿目，目不暇給！問老婆想食韓國，拉麵還是越南，就揀了韓國！隨手找到這間，開餐啦！一到來發現有半邊餐廳是露天的。適逢不是太冷，而且幾有風味，就坐低叫野食。我見炸雞賣相甚好，就叫了無骨半隻炸雞。加個泡菜煎餅。因為第一次來，點都要些下石頭鍋飯。講到炸雞，認真好食！皮薄雞靚！皮脆而不油，雞爽而彈口。雞本身已經醃過，香味濃郁，肉汁豐盈。如果唔係剛整好超熱，真係停唔倒口。泡菜煎餅亦絕不失禮，辣味還算適中。下次來試埋他們的海鮮煎餅！石頭鍋飯有飯焦，有好牛，好食！最奇怪就係飯中有股香口味，不屬於其中的配菜和牛肉，我想是老闆的秘技吧！飲酒飯聚的好地方！