影片
更多
2021-12-24
134 浏览
「唔滾唔知身體好」—同朋友聚餐離不開一齊烚吓烚吓，今次揀咗間喺登龍街嘅打邊爐，入到去不論裝潢定餐牌菜式都玩味十足，同時又充滿本土氣息，好特別。一坐底見到有款秋冬限定「火焰醬爆雞煲」（$238），忍唔住叫咗份來暖身。估唔到原來唔係得個名，一上檯店員真係會加酒再用火撻著個鍋，營造火焰效果，視覺都被震撼到，大家要爭取時間影多幾張🤣食落雞肉好嫩滑，大多都係雞脾肉，辣度啱啱好，十分惹味！安格斯肥牛（$238）份量毫不吝嗇，望落色澤鮮艷，滿佈雪花紋，快速淥幾秒轉粉色隨即夾起放入口，一試肉質鮮嫩，有適當油脂但唔會過肥，更冇𡁻唔爛嘅筋位，牛味頗濃，想係「全港九第一靚」叫返份中等價位牛肉嘅朋友，絕對可以試呢款。五花腩肉片（$98）食過雞牛，總係要叫埋豬先完滿，鍾意食肥肉嘅小編同友人今次就揀咗五花腩肉片，果然無令人失望。上檯可見五花分佈平均，每片薄切肉都層次分明。食落肉質鮮美，口感爽彈，食完過後都唔會令人有厚重嘅肥膩感，不錯～小食今次配料上叫咗兩款，分別係哈波子手打蝦丸（$68），同埋菜焯鹽菜苗餃（$58）。前者大大粒，面頭有啲蟹籽，內裏食得出粒粒蝦肉，幾爽口；後者幾有家的味道，簡單配搭不論肉定菜苗口味都
「唔滾唔知身體好」—同朋友聚餐離不開一齊烚吓烚吓，今次揀咗間喺登龍街嘅打邊爐，入到去不論裝潢定餐牌菜式都玩味十足，同時又充滿本土氣息，好特別。
一坐底見到有款秋冬限定「火焰醬爆雞煲」（$238），忍唔住叫咗份來暖身。估唔到原來唔係得個名，一上檯店員真係會加酒再用火撻著個鍋，營造火焰效果，視覺都被震撼到，大家要爭取時間影多幾張🤣食落雞肉好嫩滑，大多都係雞脾肉，辣度啱啱好，十分惹味！
安格斯肥牛（$238）
份量毫不吝嗇，望落色澤鮮艷，滿佈雪花紋，快速淥幾秒轉粉色隨即夾起放入口，一試肉質鮮嫩，有適當油脂但唔會過肥，更冇𡁻唔爛嘅筋位，牛味頗濃，想係「全港九第一靚」叫返份中等價位牛肉嘅朋友，絕對可以試呢款。
五花腩肉片（$98）
食過雞牛，總係要叫埋豬先完滿，鍾意食肥肉嘅小編同友人今次就揀咗五花腩肉片，果然無令人失望。上檯可見五花分佈平均，每片薄切肉都層次分明。食落肉質鮮美，口感爽彈，食完過後都唔會令人有厚重嘅肥膩感，不錯～
小食
今次配料上叫咗兩款，分別係哈波子手打蝦丸（$68），同埋菜焯鹽菜苗餃（$58）。前者大大粒，面頭有啲蟹籽，內裏食得出粒粒蝦肉，幾爽口；後者幾有家的味道，簡單配搭不論肉定菜苗口味都幾出，一貫匹配，仲幾飽肚，係略嫌餃皮偏厚～
金甲脆魚皮（$98）
打邊爐點少得炸魚皮，呢度嘅魚皮係鹹蛋黃口味，份量多、大片、厚身都不在話下，重點係即叫即炸，每塊魚皮都被滿滿一層蛋黃醬包裹著，啲鹹蛋仲炒到起沙，食落好香口，無論單食定係浸湯食都同樣滋味爆燈！
唔係椰菜花 椰香脆麻花（$48）
食到最後想來個甜食作結，見脆麻花喺餐單上打咗星星決定一試。食落好脆口又冇油易味，面頭除咗有麥芽糖，仲添加咗椰絲，令佢同坊間嘅味道與別不同，幾香口，推薦！
餐廳除咗會有加一收費，都會按人頭收費收取$27嘅醬料費～整體來講餐廳環境舒服，食物質素高，服務都唔差，食到甜品時間會幫忙收拾好檯面同換碟，係屬於中高價位嘅餐廳，同朋友慶生或者小聚都可以一試。
张贴
