在 (已結業)

午餐一定要食得夠飽，平時番工食飯時間又少，好彩呢度可以外賣，夠晒方便！青咖喱雞太陽蛋飯咖喱唔會太辣，味道好適中，有啲椰香，稠稠地撈飯最岩，雞肉肉質鮮嫩，細細舊一口size食落口好正，又有啲紅蘿蔔呢啲配菜，配埋流心太陽蛋，更加係送飯最佳選擇！😘鰻鰻丁丁麵爽彈有咬口，鰻魚超大條，肉質結實有嚼勁，鰻魚皮好焦香，鰻魚汁超濃超多，用黎同半熟既炒蛋一齊撈飯就好食到飛起！😚如果有時間仲可以坐係呢度既戶外坐位慢慢嘆，呢度既景觀都幾開揚，感覺幾好！