鐵牛台灣牛肉麵 (金巴利道) (已結業)

琴晚同朋友見面食飯 預先搵好想食哩間鐵牛 所以就約咗係尖沙咀等 餐廳地點其實係美麗華隔離 相當易搵👍🏻 我地大概7點左右到 餐廳係地庫位置 可以坐低 然後去比錢再有人送餐☺️ 餐廳新裝修 座位數目唔少 我地兩個被安排坐係幾舒適既四人卡位✌🏻餐牌設計得唔錯 幾清晰 當中有唔少選擇👍🏻 我地各嗌一碗麵 另外簡咗一款台灣小食: 鹽酥雞配小香腸💕 我自己嗌既麵就係鮮蕃茄大塊牛肉麵🍅 湯頭充滿咗蕃茄味 有幾舊蕃茄 我覺得係唔錯既✨牛肉大塊 有幾塊 肥瘦適中 麵就係同平日在台食既台灣麵相若 無過軟過硬既情況出現 感到滿意🤤鹽酥雞配小香腸 雞就比較唔滿意 炸粉偏厚 咬落去個下係失望🤦🏻‍♀️而小香腸係滿意既 多汁 唔算太肥膩 最上層配既蒜片係最加分😆 我地兩個都覺得幾好食❤️成餐飯一人平均八十幾 唔洗加一👍🏻 性價比係尖沙咀黎講算係幾高 味道又唔錯 有機會我應該會encore😁