影片
更多
2019-04-09
226 浏览
同Honey plan緊個快閃日本之旅嘅時候，講吓講吓就諗起上次去沖繩食石垣牛，真係好掛住日本嘅和牛，於是就上網搵吓香港有咩食和牛嘅好地方。搵吓搵吓就搵到呢間「肉料理。廣」，佢地嘅曆史就唔到我講，但我係因為上網睇到佢地位置、環境而決定黎試吓。由於我同Honey到嘅時間比較早，所以一黎到就即刻有位比我地。職員嘅笑容都幾多...安排咗我地坐低黎，就即刻比咗熱毛巾&綠茶比我地。我同Honey就揀咗個C餐，然後其中一個飯就轉咗釜飯，原本想另一個飯轉做芝士火鍋，但最後都怕食唔哂浪費食物，所以無轉到。喺野食未黎之前我去咗轉洗手間，發現咗樣細心位，就係噴衫嘅清新劑了，喺香港食咁多次燒肉嘅店舖，都未曾發現有一間店舖會提供埋，值得一讚呢！好快就上咗餐前嘅小菜、湯，包括有漬物、茶碗蒸及麵豉湯。茶碗蒸嘅蛋蒸得好滑，我仲食埋Honey嗰個，真係好味。之後就上咗碟野菜拼盤，未有得燒肉嘅時候就燒住D菜先。再隔咗一陣上咗一碟A5飛驒牛壽司包括兩件赤身（外側後腿肉）及兩件霜降（下肩胛翼板肉）坦白講，成隻牛喺我面前我就唔會識得分，我只係識食！而家問我邊件打邊件，我都答你唔到，我只記得一件好香牛肉味，另一件就好滑，最緊要
搵吓搵吓就搵到呢間「肉料理。廣」，佢地嘅曆史就唔到我講，但我係因為上網睇到佢地位置、環境而決定黎試吓。
由於我同Honey到嘅時間比較早，所以一黎到就即刻有位比我地。職員嘅笑容都幾多...安排咗我地坐低黎，就即刻比咗熱毛巾&綠茶比我地。
我同Honey就揀咗個C餐，然後其中一個飯就轉咗釜飯，原本想另一個飯轉做芝士火鍋，但最後都怕食唔哂浪費食物，所以無轉到。
喺野食未黎之前我去咗轉洗手間，發現咗樣細心位，就係噴衫嘅清新劑了，喺香港食咁多次燒肉嘅店舖，都未曾發現有一間店舖會提供埋，值得一讚呢！
好快就上咗餐前嘅小菜、湯，包括有漬物、茶碗蒸及麵豉湯。
茶碗蒸嘅蛋蒸得好滑，我仲食埋Honey嗰個，真係好味。
之後就上咗碟野菜拼盤，未有得燒肉嘅時候就燒住D菜先。
再隔咗一陣上咗一碟A5飛驒牛壽司
包括兩件赤身（外側後腿肉）及兩件霜降（下肩胛翼板肉）坦白講，成隻牛喺我面前我就唔會識得分，我只係識食！而家問我邊件打邊件，我都答你唔到，我只記得一件好香牛肉味，另一件就好滑，最緊要係兩件都好好食！
終於到主角出場了...
邊個部位打邊個部位我就唔扮專家，因為黎到呢到食，佢地會有一個介紹，而呢碟飛驒牛真係無野好講...因為件件都好香，真係拍得住喺日本食！
至於呢個釜飯，唔知係咪聽到係即煮，感覺入口嘅飯好似真係滑D，不過如果煮嘅時候跟返日本咁加少少菇菌落去煮就會更加Perfect!
最後食埋個甜品，滿足哂！
张贴
