藍象泰國餐廳 (已結業)

新年食完一輪團年飯同日日都食年糕，蘿蔔糕之後，真係唔想再食中式野呀，所以假期去開海港城行街記得呢度開左曼谷間BLUE ELEPHANT，即刻去試一試啦。環境舒適，有海景。 叫左兩個午餐餐前小食冬陰功材料豐富，有原隻大蝦，酸辣比例唔錯。椰子雞湯，椰汁味好香濃，有豐富椰子肉同雞肉。牛扒有牛味又幾JUICY，配埋個泰色風味醬汁食味道好夾，有別於一般燒汁或黑椒汁，幾有新鮮感。 咖哩鱈魚飯，咖哩好香，食到出好豐富香料，有層次，又岩香港人口味唔算好辣，鱈魚炸過外脆內滑，啖啖肉，讚!