北京人家 (已結業)

周六中午時間，我們原先計劃到荃新天地翠園午餐，但見門口已有一大班人等位，於是轉軚去北京人家，見到有不少吉枱。後來，我就知曉為何在旺市時間尚有枱，六隻字：又貴又唔好食。最差勁的是鮑汁鳯爪，等了四十分鐘才上枱，一見到已唔想食!廖廖五，六隻鳯爪，又細又無肉，又因烹煮過度，開始有點爛。所謂鮑汁，不知所謂，似豉油汁加點豆粉獻。仲有好離奇的灑上葱花。吃了兩隻就胃口全失!本來應向酒樓退回，但因時間關係，算啦!另外，醉豬手，有豬手七，八件，但多骨肉少，皮太硬，肉無味，欠紹興或花雕酒香。其他點心及麵點普普通通。服務機械式。而且以地區，格局，食物水準而論，收費甚高!