TON 180

营业中

休息中

冇諗過喺尖沙咀嘅酒吧都可以食到潮州打冷，我同朋友食完都覺得唔錯，當然你亦都可以喺場內玩飛鏢，飲下酒其實聚會都ok㗎。足料粟米魚肚羹 真係好足料，一鍋其實都夠四至六人食，真係估你唔到。魚肚已經切開一絲絲，食落去亦都好爽口，粟米粒好清甜，魚肚羹嘅蛋花都有好多。鹵水鵝肉 鹵水鵝肉都好入味，芽菜仔舖底，仲有唔少炸豆腐，鵝肉肉質嫩滑而且食落去都仲係熱嘅。沙爹牛肉粉絲煲 原煲上枱，打開煲蓋陣陣沙嗲香味撲鼻，牛肉係肥牛，分量都好多，粉絲煲比較濃味送飯食都唔錯。鳳梨生炒骨 呢碟小菜酸酸甜甜好開胃，菠蘿好香甜，生炒骨嘅豬肉排骨肥瘦均勻。瑤柱蛋白炒飯 炒飯都好大碟，瑤柱絲都好重本，飯粒炒得好乾身，味道唔錯，好均勻唔怕太鹹。