Opa Mediterranean Bar and Bistro (已結業)

我一直都好鍾意地中海美食，因為環繞着地中海嘅國家都係我特別嚮往嘅，意大利，西班牙，摩洛哥等等。而尖沙咀新開左一間地中海餐廳，所以就去試吓。好耐冇飲酒，但係餐廳嘅環境，就算唔食水煙，都另我想飲番杯。我叫咗杯Snowball ，朋友叫咗杯意大利嘅紅酒。我哋放膽咁試咗唔同嘅菜式，有烤哈米羅羊芝士沙律，我好鍾意芝士，所以呢一個沙律對我來講又好味又健康。仲叫咗幾個Tapas ，Tuna Ceviche，辣辣地，清新開胃。Stuffed vine leaves chipotle Tomato Sauce ，呢道菜係我最鍾意，係連葉包住材料食，記得好多好多年前係一間英國嘅土耳其餐廳食過，好多回憶返晒黎。而主菜就叫咗個Smoked salmon delight pizza, 皮薄餡靚，上邊嘅蘑菇，芝士同埋三文魚都好香。仲有一個海鮮拼盤串燒，賣相特別，味道亦唔錯，三文魚啖啖肉。今晚好似唔記得咗自己係香港咁，餐廳佈置有個性，唔知將來會唔會有live Band呢？