嘹咋咧

前年去過西安旅行，舌頭受到好大的衝擊，終於明白點解大陸同事話廣東菜好淡。放工經過渣甸坊，見到呢間餐廳又諗返起上次旅行，於是就試一試佢，想回味下。


其實唔係好識讀餐廳名，問左侍應姐姐，原來係有邊讀邊。侍應態度ok，環境都乾淨，有檸水供應。


2個人叫咗4樣餸：潼關肉夾千層饃、油潑扯麵加羊肉餃、手撕羊棒骨和蕃茄手撕包菜。


食完之後個口有點蒜蓉味，揮之不去，若果有薄荷糖清一清個口就更好。

1

千層皮有啲似老婆餅個皮，口感一流，肉就咸咸地

麵條好似寬條麵咁，好有口感，辣味特別，對食少少辣嘅人嚟講啱啱好，羊餃有少少膻，個扯麵有炸紫菜，有點似小老闆戈隻，幾得意。正！

油潑扯麵加羊肉餃

口味相對清淡，有羊膻味，正

1

同西安食嘅味差不多，酸酸辣辣咁好野味