一口沙嗲專門店

营业中

休息中

同朋友在家飲酒傾計，又點少得串燒呢～～～偶爾發現到呢間沙嗲專門店既外賣set，即刻買黎同朋友試下玩下😆而家佢地做緊優惠，買10盒，免運費，仲會送個小型家用燒爐，有得食有得玩，正呀！串燒有四款肉類，有豬牛雞羊，每包12串。急凍保存，燒之前需要解凍好之後再放上爐燒，操作簡單又方便。沙嗲醬有辣有唔辣，都係店家自家製。辣個款超香口，推薦～～～佢地既肉類都十分高質，肉質口感唔錯之餘，仲已經預先醃製好，仲標榜無味精無色素無防腐，好適合追求健康既大家～我覺得唔需要點醬都已經好好食～另外，如果大家趕時間，都可以直接放入平底鑊加熱，快靚正！