Su Casa (已搬遷) 新店位置

雖然今年唔可以同小朋友出外慶祝，不過係屋企一樣可以食復活節大餐！一直都想試Su Casa呢間親子餐廳，所以我哋就選擇買外賣返屋企一齊慢慢食。點了2個前菜及2個主菜，份量全部都好足，一家四口剛剛好。德國腸拼盤配酸椰菜有三款香腸，份量十足，配埋酸椰菜味道好夾，又可以減輕肉腸嘅油膩感。煎焗柚子雞翼雞翼有陣陣柚子味，食落好清新又唔會覺得太油，酸酸甜甜好開胃。燒原隻去骨美國野春雞去晒骨最啱俾小朋友食唔怕咬親，而春雞皮脆肉嫩，用香草醃到好入味。日本帶子菠菜忌廉天使麵帶子全部都大大隻，而且味道鮮甜彈牙，菠菜汁夠creamy。而且餐廳仲好窩心， 送左2份DIY復活蛋連顏色筆，等小朋友可以開心過節，有得食又有得玩！而家只要將復活蛋製成品放上Su Casa嘅社交平台post，佢哋就會免費送上一份兒童餐+ 神秘禮物一份！兌換日期至11月30日。