更多
2016-05-18
2894 浏览
相约了好朋友系中环相见, 但2个人都冇谂要食咩喔, 潜意识谂住中环好多嘢食使咩谂定, 点知到咗后大家都真系谂唔到去边度食, 而大前题系要试间没食过既餐厅 or CAFE . . . 最后都要求助于Openrice神指点吓迷津, 咁就揾到呢间Zenon CAFE 啦! 睇咗啲食评都反应唔错, 于是决定GOGOGO...黎到间CAFE, 冇话有咩特别装修, 但感觉几舒服, 都几有鬼佬CAFE feel(可能因为店内坐咗几台外籍人士...嘻嘻嘻), 地方唔大...以2个2个位居多, 最适合情侣同我呢啲同朋友仔"2人世界".呢个就系门口啦, 我同个朋友就坐咗系门口个个位度, 边食边倾边望吓经过既人, 感觉都几relax架...而且因为坐咗系出边, 得我地一台, 可以特登细细声倾, 仲可以大笑都唔惊吓亲人!!!!咁我地俩个人叫咗个ALL DAY BREAKFAST SET 2人份同埋2杯LATTEFAMOUS ALL DAY BREAKFAST SET HKD208Upgrade to Cheese Omelet x 1 HKD10等我讲吓个味道: 我想讲呢个All Day Breakfast
黎到间CAFE, 冇话有咩特别装修, 但感觉几舒服, 都几有鬼佬CAFE feel(可能因为店内坐咗几台外籍人士...嘻嘻嘻), 地方唔大...以2个2个位居多, 最适合情侣同我呢啲同朋友仔"2人世界". 呢个就系门口啦, 我同个朋友就坐咗系门口个个位度, 边食边倾边望吓经过既人, 感觉都几relax架...而且因为坐咗系出边, 得我地一台, 可以特登细细声倾, 仲可以大笑都唔惊吓亲人!!!!
咁我地俩个人叫咗个ALL DAY BREAKFAST SET 2人份同埋2杯LATTE
$208
85 浏览
0 赞好
0 留言
Upgrade to Cheese Omelet x 1 HKD10
等我讲吓个味道: 我想讲呢个All Day Breakfast 超出我预期地好好味喔!! 就咁睇个样都知够晒丰盛, 特别要提吓佢个烟鸭胸好够味, 肉厚而肥有嚼劲, 食落好香...我平时系唔食鸭肉既, 但抱住试一块既心态就食咗几块, 同埋个肉肠好香够juicy又爽口, 个沙律菜亦都好新鲜, 个包都非常讨好, 另外我地冇转度waffle反而转咗个Cheese Omelet, 都唔错, 但后来见到人地台个waffle好似仲好味咁...心谂下次都要试吓~最麻麻系个烟三文鱼, 我个人觉得唔够烟熏味, 但总体黎讲呢个全日早餐真系算有质数, 咁大份..我同朋友仔系食清光架!!!!
$30
57 浏览
0 赞好
0 留言
$30
68 浏览
0 赞好
0 留言
饮品方面我地净系叫咗个普通LATTE, 味道都唔错, 对得住CAFE水准有余 . . .但后来知道原来有个推介既Honey Rose Latte, 点解店员冇介绍俾我地呢?!(闷///) 可能是那天他们太忙了吧(自我安慰中...)咁大家记得如果想叫啲特别啲既LATTE, 可以试吓Honey Rose Latte, 传闲话好饮架!
题外话/补充资料:
个日其实有个少少唔系几好既经历, 就唔系好关啲嘢食事, 话说呢度叫野食系要自己去个水吧度俾咗钱先送嘢食既, 咁我咪去俾钱先, 落咗单后... 我同我个朋友仔开始倾计了, 倾倾吓开始肚子饿了喔, 望吓个时间...我地竟然等咗半个钟有多, 但连杯嘢饮都有上过黎, 但眼见隔离台(迟过我地入黎个几台)都已经上晒嘢食, 咁我咪问吓个店员, 佢都好有礼貌咁话帮我check吓, 原来漏咗我地个台张单, 好咁都算, 佢话会拿拿林煮返俾我地, 我唔系好满意既地方系, 1)我叫咗个店员去check单, 佢知道咗漏单后都冇主动过黎同我地讲, 要我再问返佢, 佢先同我地讲唔好意思 = =||| 2)当佢已知道我地等咗半个钟有多既时候, 佢地都唔拿拿林冲杯LATTE出黎, 仲要我同个朋友仔眼金金咁睇住去冲咗3-4杯咖啡俾其他台(岩岩落单个几台), 我忍唔住问店员, 可唔可以俾住杯嘢饮我地先, 好口渴, 佢先同我讲话下一杯到我地...个刻真系有啲炆, 心谂有冇搞错, 我地已经唔出声话等咗45分钟有多...仲要开声先有杯嘢饮吓(嬲咗)
最后当然都冇办法, 唯有等...而佢地好似都FEEL到我地炆炆地, 送咗2张coupon俾我地, 但我都希望佢地可以改善吓佢地既处理手法, 下准再预到呢个情况..希望佢地会尽快跟进咗被漏单既食客先~ 但佢地个ALL DAY BREAKFAST真系坚好食!
(以上食记乃用户个人意见 , 并不代表OpenRice之观点。)
张贴