唇茶 (旺角中心第一座) (已結業)

好耐無行旺中，適逢好友即興，一同到旺角走走再去上堂。 行左陣見餓，諗都無諗過上到二樓轉晒食市，一個唔為意以為自己去左葵廣。 我朋友先在隔離鋪食左碗燒賣魚蛋。 我就望左唇茶一陣。 吸引在佢全都是中國茶葉，及配搭唔似一般台式飲品。心大心買唔買之制。 我朋友就講「 嘩呢到有桃膠加住杯野到喎，正呀」 所以就買左杯桂圓桂花普洱。第一啖，心個放鬆左一下感覺好舒服，佢調校比例好好，原來佢地用 冰糖手調，唔用糖漿。 所以飲落去整體口感好順， 柔柔的感覺。 我講完好舒服就叫朋友試一啖，初頭我地準備走。點知我朋友飲左一啖桃膠就大叫「好好飲」即係忍唔住u turn 自己買一杯。 仲請教老細啲桃膠咁好口感。 我朋友話要靚既桃膠先可以咁好食，佢媽媽間唔中會煮所以識少少。 原來老細真係試好多不同等級的桃膠，終於搵到呢隻。 所以係唇茶我朋友飲到 媽媽味（雖然老細是男人。）雖然感覺好誇張、但的確真人真事，杯野真心好好丫。 手調好有心。 調搭選擇非常有心思。 你會感受到老闆想我地享受到杯茶同桃膠既精華。