瑞士咖啡室

营业中

休息中

對中環唔熟，想係中環食快啲同平嘢， search 到呢間。 星期日唔駛等位呀，啲 service 唔錯呀，好懷舊嘅裝修，有磚牆閣樓。階磚地板同洗手間有水, 較滑, 要小心. 叫個瑞士常餐 $48。 有多士, 火腿奄列, 瑞士雞翼公仔麵, 包一杯茶或咖啡. 最好味係個厚多士, 個烘厚多士好香, 外脆但個心好鬆軟，火腿奄列多火腿，唔乾身有啲蛋汁。奶茶雖然入口有啲鞋，但味道好,茶味香濃，不太奶。跟住先食公仔麵，不過擺咗一陣淋咗， 有成 4隻瑞士雞翼，　隻隻都漲卜卜，瑞士汁好入味，無過鹹，雖然啲肉熟晒，不過仲好滑。