伊斯坦堡特快 (駱克道)

营业中

休息中

自從係德國食過土耳其菜後，一直好想係香港搵返嗰種味道。最近友人推薦呢間土耳其菜，剛好今日又去灣仔，所以就揀咗呢度食午餐。我地叫咗茄子乳酪做前菜，配土耳其夾餅，味道酸酸地，十分開胃。茄子雖然已經完全融入乳酪中，但依然食到茄子的鮮甜，再配合微暖的夾餅，係冰火嘅感覺啊!之後主菜叫咗轉轉雞肉配薯條，一上碟顏色分明，份量很多，看到已經食慾大增。薯條係新鮮炸出，金黃香口，又熱又脆；沙律新鮮，有最鍾意嘅紫洋蔥，本身已經有黑醋黑椒調味，清新解膩；雞肉外觀油潤，食落一啲都唔乾，仲有啖啖香草嘅香氣。