影片
更多
2020-12-23
1464 浏览
唔知點解我好多同學都好懶，有個就唔洗返學嘅日子就唔會離開屋企門口啦，尋日見嘅呢個同學就好少少，放假肯離開屋企門口嘅，但只限10分鐘路程嘅地方。但佢又話我放假唔約佢食飯，好啦咁我約佢啦，點知就要揀啲喺佢屋企樓下嘅餐廳先得，到底係懶到一個點樣嘅地步？不過就算係要揀呢個同學屋企樓下嘅餐廳，都唔可以食得太求其架嘛，所以我上網search左一陣，精心挑選左呢間日本菜黎食。我地叫左兩個lunch set同埋一份炸雞share食。🍱刺身四品（每品兩切）配腐皮烏冬 $198除左刺身同烏冬之外，仲有漬物、蒸蛋、水果、沙律同埋味增湯。🐟刺身係每日精選嘅，所以每日都唔同，但真係好新鮮。每款都有兩片大大塊嘅。我個人特別鍾意個帶子刺身，味道鮮甜，又有兩塊檸檬夾住，所以會食到淡淡嘅檸檬味。🍜腐皮烏冬望落細細碗但其實烏冬嘅份量都唔少，烏冬口感彈牙，就算放耐左都唔會太淋，好食。🍣漬物係三文魚，個汁酸酸地，幾好食。沙律有薯仔、碎蛋、蕃茄同埋洋蔥等。洋蔥令到沙律有微微嘅辣味，都唔錯。🥚蒸蛋好滑，充滿蛋香，真係應該要趁熱食。入面仲有好多材料，好滿足。🥣味增湯係正常嘅味增湯味道。🍇水果有兩大粒提子同埋蜜瓜。🐠銀鱈魚西京燒 $
不過就算係要揀呢個同學屋企樓下嘅餐廳，都唔可以食得太求其架嘛，所以我上網search左一陣，精心挑選左呢間日本菜黎食。
我地叫左兩個lunch set同埋一份炸雞share食。
🍱刺身四品（每品兩切）配腐皮烏冬 $198
除左刺身同烏冬之外，仲有漬物、蒸蛋、水果、沙律同埋味增湯。
🐟刺身係每日精選嘅，所以每日都唔同，但真係好新鮮。每款都有兩片大大塊嘅。我個人特別鍾意個帶子刺身，味道鮮甜，又有兩塊檸檬夾住，所以會食到淡淡嘅檸檬味。
🍜腐皮烏冬望落細細碗但其實烏冬嘅份量都唔少，烏冬口感彈牙，就算放耐左都唔會太淋，好食。
🍣漬物係三文魚，個汁酸酸地，幾好食。
沙律有薯仔、碎蛋、蕃茄同埋洋蔥等。洋蔥令到沙律有微微嘅辣味，都唔錯。
🥚蒸蛋好滑，充滿蛋香，真係應該要趁熱食。入面仲有好多材料，好滿足。
🥣味增湯係正常嘅味增湯味道。
🍇水果有兩大粒提子同埋蜜瓜。
🐠銀鱈魚西京燒 $168
同樣地，呢個餐都有漬物、蒸蛋、水果、沙律同埋味增湯，不過佢仲有刺身同御飯添。
銀鱈魚燒得超滑，調味又適中，食得好開心。
🦐仲有兩件刺身，都係好鮮甜嘅。
🍚御飯係白飯配紅米飯，上面仲有啲飯素，同個魚好夾。
🐥炸雞 $18
追加炸雞只係需要$18 ，我哋覺得幾抵，所以就加咗。炸雞有兩大件，係有骨嗰啲，所以好滑。
成日都覺得整得咁精緻嘅食物會唔夠飽，點知我哋兩個食得好飽，大滿足。仲要環境舒適，坐得舒服。
张贴
