🍅蕃茄麵
本來想食米線，點知咁啱賣晒，轉咗麵～一上枱就聞到濃郁蕃茄香，湯底用入口清甜自然，絕對唔係味精湯😋。裡面有豬潤、豬肉、鵪鶉蛋同大量配菜，豬潤新鮮爽嫩，豬肉滑溜，仲有大大舊蕃茄肉，真係足料到爆！
🌶泡椒魷魚麵
鍾意辣嘅朋友必試！一上枱已經聞到泡椒嘅獨特香氣，麻辣味道恰到好處，香而不燥😍。魷魚隻隻都大隻厚肉，煙韌彈牙，咬落去鮮味十足。麻香味濃，但唔會辣到嗌救命，反而愈食愈上癮，食完成個嘴仲回味緊個種麻感～
🔥老麻抄手
辣椒同四川配料炒到燶燶哋，香氣會特別唔同！抄手係每日用新鮮豬肉手包，皮薄餡足，一咬開肉汁瞬間爆發💦。麻香層次豐富，食完之後個種麻感仲纏住喉嚨，令人瘋狂回味！
