花火和食 (已結業)

知道屋企附近新商場開左間和風黃店小食，放假特登同好友去支持下 我係鰻魚控，只要餐廳有得叫我通常都會試下，今次menu既蒲燒鰻魚定食好似好吸引，仲寫到明係料理長推介，就叫左一份試試 蒲燒鰻魚箱飯($128) 一打開蓋就見到冒著煙既鰻魚，雖然只有半條份量但放入口感覺到魚肉肥美無魚骨，口感彈牙又鬆軟，店員仲話係即叫即燒添，配上傳統燒汁同送飯既蛋絲撈飯真係好正！ 東京風炭燒雞扒($72)一盒四格分別放上滿滿既白飯、炸物、四塊燒雞扒和漬物，整得精美，雞扒燒得香口入味另外仲叫左menu上比較特別既海膽蟹蓋($38)賣相令人食指大動，食得出蟹黃、甜洋蔥、芝士同麵粉等味道，非常足料