鄰舍咖啡 (已結業)

去土瓜灣想搵間Cafe坐坐都困難，因為好少選擇。但搵搵下見到呢間試業中嘅Cafe，加上天氣熱，即刻行入去🤣叫咗份啡菇burger同iced americano 降溫。👍🏻味道，兩個字高質。啡菇好多汁同埋新鮮，👌佢配咗黑松露醬薯條，香口唔會膩。佢哋仲有甜品，有個tiramisu配espresso準備推出。👏🏻好好彩試食咗，咖啡嘅甘味可以中和翻個tiramisu嘅甜味，真係下次過嚟一定會叫呢款甜品！空間都大，有室外位同大藤椅，舒服唔會逼。室內俾人感覺好chill啱同埋朋友嚟吹水。🙌🏻而且D員工同街坊鄰居不時吹兩嘴，都好warm。真係值得一試。