影片
更多
2012-09-28
552 浏览
2日前預訂團購試食，見一百蚊@位，都唔洗咪試下囉!!捉左3個朋友齊齊試，雖然間店分配0既時間唔係咁好，只可6:30 / 8:30 / 10:30。揀左早場6:30，雖然個場細細，但的枱唔算迫，周圍都好多電視，一定追到劇，係個冷氣凍左0的。一開頭先食炆雞，職員話辣雞好味0的，於是揀左辣雞。大約有3/4隻雞@4人，每人分得2-3件就無啦!! 叫做試下味啦 ~ 都幾入味又幾好味，唔會好鞋 ~之後，就係加湯變任食火鍋，普通火鍋0的料呢度都有齊，食物都幾新鮮，尤其係蔬菜，有6-7款揀，新鮮都好似新界種咁，正!!淨係菜心，我地都食左3轉好甜。汽水、啤酒、甘庶水任飲，係酸梅湯麻麻地，勁酸。上菜好快，幾分鐘就到，0的服務員都好有禮貌。特別要稱讚清潔姐姐，男女廁所都好乾淨，又無異味，真係好難得，雖然男女各得一格，但空間十足。整體而言：此行十分超值，一百蚊@位全包有找，仲有刺身，其他垃圾火鍋店任食都成$130-$140啦! 真係邊度搵 ~ 順帶一提，原本任食2個鐘，結果我地一班人食左2個半鐘都無比人趕，抵讚!
捉左3個朋友齊齊試，雖然間店分配0既時間唔係咁好，只可6:30 / 8:30 / 10:30。
揀左早場6:30，雖然個場細細，但的枱唔算迫，周圍都好多電視，一定追到劇，係個冷氣凍左0的。
一開頭先食炆雞，職員話辣雞好味0的，於是揀左辣雞。
大約有3/4隻雞@4人，每人分得2-3件就無啦!!
叫做試下味啦 ~ 都幾入味又幾好味，唔會好鞋 ~
之後，就係加湯變任食火鍋，普通火鍋0的料呢度都有齊，
食物都幾新鮮，尤其係蔬菜，有6-7款揀，新鮮都好似新界種咁，正!!
淨係菜心，我地都食左3轉好甜。
汽水、啤酒、甘庶水任飲，係酸梅湯麻麻地，勁酸。
上菜好快，幾分鐘就到，0的服務員都好有禮貌。
特別要稱讚清潔姐姐，男女廁所都好乾淨，又無異味，
真係好難得，雖然男女各得一格，但空間十足。
整體而言：此行十分超值，一百蚊@位全包有找，仲有刺身，
其他垃圾火鍋店任食都成$130-$140啦! 真係邊度搵 ~
順帶一提，原本任食2個鐘，結果我地一班人食左2個半鐘都無比人趕，抵讚!
张贴