Fass (已結業)

同朋友買左個團購二人餐$298+60Book左8:30，我地早到左8:10佢都俾我地入去，多數客人都係用團購優惠套餐包括左德國咸豬手，香腸拼盤，炸魚薯條配沙律，卡邦尼意粉。入座時，職員就問我地想飲咩，啤酒或汽水上菜好快，叫完飲品無耐就有得食，咸豬手都好大份，配左薯蓉同酸菜，薯蓉好香好滑。香腸拼盤，有四款唔同既香腸，其中有條得一半，感覺怪怪地。炸魚薯條，魚炸到個外層好油，薯條係粗薯條，新鮮炸起，好脆！ 卡邦尼意粉：芝士味好濃餐廳唔大，d位好迫。