星級扒房 (已結業)

今年團年飯順應家人的要求，轉換下口味唔食中菜食据扒！因為臨時決定而且同長老去當然要坐得舒服啦，見食評好壞參半但因為想食嘅幾間都Book唔到，咁啱呢間有位就試試佢。Book 左7點半但老人家心急七點已經入座，侍應態度都幾好可以比提早入座，一入去環境算唔錯雖然偏暗但大部份座位都有射燈。我地揀1.5小時半自助+牛扒套餐, 價錢由$148 ~ 308 不等。最後叫 3份安格斯極上西冷牛扒 七成熟 & 2份烤澈澳洲M7和牛腹肌伴紅酒蜜梨 5成熟。大約等30分鐘左右上牛扒, 係等上牛扒時, 我明白點解會有自助吧食沙律, 洋蔥扎肉沙律夠開胃& 薯角都好好食, 大家都食左唔少! 開頭仲擔心會唔會食沙律食飽左= =" 點知份安格斯牛扒真係好唔掂.....叫7成熟已經碟上, 但就咁睇都覺得係十成熟.. 又"鞋"又好有趙口.... 每啖都要趙成分幾2分鐘都食到幾攰。 老公揀 M7和牛腹肌反而好少少, 起碼係5成熟有血得來外面係熟熟地, 入口有烤肉味但都係好有趙口...如果要比分, 我只會比65分, 收得咁既價錢而且仲要叫係食扒既地方但D扒比沙律仲要失色...大X樂嘅扒都分分鐘好食過佢，真係唔會再考慮返去食。