Dim Sum Library (已結業)

🔍今次係我第三次嚟dim sum library 食lunch，無錯！係三次了！呢到有好多款特式點心，食極都食唔完，而每一款都好有自己特色。🔍今次試咗6款點心小菜，各有特色。由鵝肝芋角開始，一上台係非色熱辣辣，皮非常脆口，內裡嘅鵝肝醬熱，但其實食唔到佢既鵝肝味😆然後嘅黑炭魚香咸水角賣相特別，咬落去感覺似咸水角包住魚香茄子，出奇地好吃！而海膽蟹肉春卷應該賣上面既海膽，只係海膽放咗喺春卷上面咁；蟹肉見到，但似食蟹柳。而雲南黑菌手撕雞係非常出色，佢有濃濃松露香，雞肉夠嫩，皮亦香脆，沙薑雞炆飯夠香濃，似荷葉包飯，但料十足，無馬虎過。最後嘅貴州煙筍和牛肋，唔食筍嘅我都食左好多條，佢調配醬汁將要入味嘅筍、菇同牛肋完全入哂味！🔍總結：我應該會再去第四次試下佢嘅麵同其他點心😋🧆鵝肝芋角 $72/3件 ⭐️⭐️⭐️🥟黑炭魚香咸水角 $58/3件⭐️⭐️⭐️⭐️⭐️🦀海膽蟹肉春卷 $82/4件⭐️⭐️⭐️⭐️🍗雲南黑菌手撕雞$198/半隻⭐️⭐️⭐️⭐️⭐️🐥沙薑雞炆飯 $158 ⭐️⭐️⭐️⭐️🐮貴州煙筍和牛肋 $368 ⭐️⭐️⭐️⭐️⭐️