李圓圓 (駱駝漆大廈) (已結業)

今日經過觀塘駱駝漆大廈 天氣咁熱行到好口渴 於是見到一間珍珠奶茶舖頭 上網睇仲要係黃店💛 梗係要買一杯支持下我係第一次飲 見到有五個推介 黎得李圓圓梗係要試下佢啲黑糖珍珠 今次我就試咗第二位黑糖珍珠鮮奶本身我都係到諗要黑糖珍珠鮮奶定係黑糖珍珠鮮奶2.0 我估最大分別就係黑糖珍珠鮮奶2.0有多30%鮮奶 相信一定會更滑更好味 不過我地怕太飽 所以只係叫左普通黑糖珍珠鮮奶結果都無令我失望 店員好細心提我要先將飲筒將黑糖珍珠同鮮奶攪勻 我最鍾意就算係黑糖珍珠但係都唔會好甜 因為出邊有好多餐廳都係有種死甜味道 李圓圓珍珠煙煙un un 每一粒都有好濃的黑糖味道 不過李圓圓的珍珠係比較軟身 唔同出面一般食到既珍珠 我個人都好鍾意