影片
更多
2009-09-22
323 浏览
星期六, 是初一, 即是要入佛堂啦. 不過, 就唔駛咁早入. 一放工, 就走去陪女友及其姊妹, 去花墟幫手買花....(做點事, 積點功德). 未食野的我, 就找個茶餐廳, 醫好肚再入花墟會她們. 不過, 一早知道花墟有間茶記, 就一同行到花墟, 我又開始尋找隱蔽的食肆了. 行到近園圃街, 就是這間, 若以前不是到太子道阿姨屋企, 從不會行路經過. 坐上車上, 雖然是大街大巷, 呢一列鋪頭, 若有其中一檔非花販, 門口都被花販佔用了, 根本不會看得到.未入門口, 就發現有兩個伯伯每一捧住一籠雀, 係茶餐廳行出黎. 近雀仔街嘛, 應該不少雀仔老人, 亦半期待地看看這裡是否一個像舊式茶樓般的雀鳥樂園. 不過, 肚太餓, 先往牆上大字報看, 點完餐才發現店內最後一個玩雀既伯伯食飽找數, 拍不到雀仔, 就拍下天花版, 真的有幾條Bar, 而這幾條Bar, 就是用來掛雀籠的. 若是朝早來食早餐的話, 相信會是一個雀鳥天堂.該說食物了, 沒什麼想食便點下一個干炒牛河. 這是他們的下午茶中式粉麵餐, 20多元, 經濟抵食. 香噴噴的端上來, 感覺到已是鑊氣十足之作. 河粉炒得條條有光澤, 兼彈口晶瑩
未入門口, 就發現有兩個伯伯每一捧住一籠雀, 係茶餐廳行出黎. 近雀仔街嘛, 應該不少雀仔老人, 亦半期待地看看這裡是否一個像舊式茶樓般的雀鳥樂園. 不過, 肚太餓, 先往牆上大字報看, 點完餐才發現店內最後一個玩雀既伯伯食飽找數, 拍不到雀仔, 就拍下天花版, 真的有幾條Bar, 而這幾條Bar, 就是用來掛雀籠的. 若是朝早來食早餐的話, 相信會是一個雀鳥天堂.
該說食物了, 沒什麼想食便點下一個干炒牛河. 這是他們的下午茶中式粉麵餐, 20多元, 經濟抵食. 香噴噴的端上來, 感覺到已是鑊氣十足之作. 河粉炒得條條有光澤, 兼彈口晶瑩. 味道又非常均勻. 上碟時覺得有點凌亂, 但炒野喎, 不就是凌亂的麼, 最重要不是賣相, 而是好食. 油方面, 碟底沒有油已經是非常好.
奶茶, 一般的滑, 但Lipton啊, 濃極都有限.....
快快食, 又看不見雀仔, 早點找數, 幫忙攞花護花仲好. 全程做足護花使者, 保護三朵金花, 同三束鮮花, 直至屯門佛堂.
张贴
