炊二哥圍爐 (已結業)

第1次食圍爐盆菜，未點菜之前，店員話送1se輕量版圍爐煮茶,都幾特別，係有d乾果放上個爐燒返熱佢黎食，要黎配埋茶一齊食，別有一番風味。鵝腸火鍋，我地叫咗小辣，但係原來都幾辣，但個湯底勁香，勁惹味，食落好有麻香味，原來叫呢個鍋入面仲有勁多料，有鵝腸，牛肉，豬肉，芝士腸，豆乾，鵪鶉蛋，冬瓜，荀，午餐肉，魚塊，魚蛋，萵筍，豆腐，蓮藕，豬腸，等等，真係勁多料，份量十足，d配料樣樣都好新鮮，吸晒d麻辣湯味，勁正。另外再叫咗鍋巴，午餐肉同豬皮，呢d都吸味配料，啱晒食麻辣鍋。我地仲叫咗燒雞胗串同燒魷魚鬚串，細細串，又燒得幾香，食落勁惹味。