炊二哥圍爐 (已結業)

今朝上網見到有人講開咗間成都火鍋，間餐飯裝修好特別，佢啲枱櫈全部都比較矮身，食嘢別有一番風味。叫得嘅圍爐，除咗圍爐火爐之外都想試下圍爐煮茶。原來一坐低侍應就俾我地一盤輕量版小食，同一壼茶俾我地煮。盤迷你小食有南瓜、花生、紅棗、同栗子，茶係老鷹茶，都好好飲。主菜方便因為我朋友唔食辣，所以我地叫咗個番茄牛腩鍋，配料有牛腩、粟米、蝦滑、午餐肉、香菜豬肉丸、藕片、火腿陽、同番茄，好足料！另外仲叫咗拇指小籠包，小籠包細細粒有肉汁，層皮又好似鍋貼咁有少少脆口，重點係$28已經有十幾粒，性價比好高！我地仲叫咗串燒，串燒似大陸做法，一串會拮一舊，調味仲唔錯，仲有個盤可以助熱啲串燒，唔驚放得耐會凍晒。