影片
更多
2022-07-19
149 浏览
今日咁啱係Apm買完嘢，順便去駱駝漆搵食，睇吓有冇咩新嘢試吓，見到有牌寫有串燒任食，啱晒我哋大胃王！優惠時段200蚊有找，咁抵一於試吓！坐低心急即刻拎嘢食，花多眼亂拎咗勁多基本嘅牛肉豬肉雞肉丸類菇棉花糖菠蘿都有！仲有海鮮！而且啲蜆係仲郁緊㗎！睇圖都見到啲扇貝大隻又乾淨！自己拎咗啲蒜茸同辣椒自制蒜茸辣椒扇貝😂推介泰式雞肉串，叉燒，多春魚同牛肉粒，我哋拎咗勁多次，泰式雞肉好正，平時出面食都要起碼十蚊😆呢到任食！個爐係自己識轉唔洗睇火，勁好，全晚都冇燒燶過嘢，平時食親燒嘢都要係咁反轉啲嘢，仲要成日燒到黑晒，呢到可以慳返啲力去拎啲熟食邊食邊等熟食都好多選擇，有涼拌青瓜木耳茄子滷水冷面，又有炸蝦片魷魚圈之類炸嘢，熱食估唔到有蠔食，正！四個人食，每人送咗一串白鱔同粉絲扇貝，個白鱔好滑唔會腥！粉絲扇貝調咗味啲粉絲吸晒鮮味都好正，希望可以提供埋粉絲，因為我個人覺得粉絲扇貝啲粉絲都好正！仲要估唔到佢有呢啲四川調味粉！有齊五香粉辣椒粉同孜然粉，我至愛四川燒烤，呢到仲有其他汁可以拎，蜜糖，泰式呢啲都有，可以任你喜好食港式川式泰式，勁啱一班Fd食，一定滿足到所有人口味！仲無限嘢飲雪糕甜品提供！下次約Fd燒烤一
坐低心急即刻拎嘢食，花多眼亂拎咗勁多
基本嘅牛肉豬肉雞肉丸類菇棉花糖菠蘿都有！仲有海鮮！而且啲蜆係仲郁緊㗎！睇圖都見到啲扇貝大隻又乾淨！自己拎咗啲蒜茸同辣椒自制蒜茸辣椒扇貝😂
推介泰式雞肉串，叉燒，多春魚同牛肉粒，我哋拎咗勁多次，泰式雞肉好正，平時出面食都要起碼十蚊😆呢到任食！
個爐係自己識轉唔洗睇火，勁好，全晚都冇燒燶過嘢，平時食親燒嘢都要係咁反轉啲嘢，仲要成日燒到黑晒，呢到可以慳返啲力去拎啲熟食邊食邊等
熟食都好多選擇，有涼拌青瓜木耳茄子滷水冷面，又有炸蝦片魷魚圈之類炸嘢，熱食估唔到有蠔食，正！
四個人食，每人送咗一串白鱔同粉絲扇貝，個白鱔好滑唔會腥！粉絲扇貝調咗味啲粉絲吸晒鮮味都好正，希望可以提供埋粉絲，因為我個人覺得粉絲扇貝啲粉絲都好正！
仲要估唔到佢有呢啲四川調味粉！有齊五香粉辣椒粉同孜然粉，我至愛四川燒烤，呢到仲有其他汁可以拎，蜜糖，泰式呢啲都有，可以任你喜好食港式川式泰式，勁啱一班Fd食，一定滿足到所有人口味！仲無限嘢飲雪糕甜品提供！下次約Fd燒烤一定再揀呢到！
张贴
