喜記廚房 (已結業)

$388 喜記2人餐 (原價$660)！今次第一次食喜記廚房，因為好少黎銅鑼灣呢條街食，而且要食貴價蟹喎兩個人食一只蟹，動輒都要＄５００，咁再加埋其他小菜，應該要成千蚊落樓啦！見到有團購：６道菜式＊有馳名的豉椒炒蜆（都算係幾大只及鮮甜可口，最重要係無沙，只只ｄ肉都係度，唔會話得個殼，ｄ肉飛甩晒！而且可以當作下酒菜，啱晒ｄ麻甩佬）＊喜記正宗炒辣蟹（叫左少辣，剛剛好夠晒味，又唔會太濃烈，蓋過蟹的鮮味，火喉幾好！兩個人剛剛好夠食！）＊貴妃妙齡鴿（都真係幾細只，不過皮嫩肉汁多，熱辣辣，好味！）＊招牌蟹油炒麵（炒得好乾身，而且有銀芽及少少辣，好好味！）＊上湯浸菜心（見到有糖心，就知道係甜菜，清湯上都好入味呢！）＊合時甜品（埋左單，都沒有主動送上糖水或甜品，是否要另叫才上呢？我見到人地係有蕃薯糖水架！）伙計的動作很快，但蟹油炒麵應該後上，否則會很快凍晒呢！由入座起運，十分鐘來了一個菜，之後每五分鐘就上一個，效率幾好，但人流真的很少．最後埋單，另付了加一（原價＄６６０的加一）茶介（鐵觀音及熱水）小食（花生一碟），一百蚊唔洗找．咁即係每人＄２５０左右，都幾抵食！