影片
更多
2009-01-30
628 浏览
今年嘅團年節目對我嚟講好有特別意義，其一係第一次參加兩個家庭嘅團年飯，其二係第一次以大孫女胥身份出席外家團年。月初本擬定到港大同學會聚餐，可惜預約經已爆滿，唯有轉戰木球會嘅中菜廳。由於係團年飯兼且人數眾多(共18人)嘅關係，預訂嘅菜色比較豐富，包括「大紅乳豬全體」、「金銀窩貼明蝦球」、「發財多子瑤柱脯」、「砂鍋雞煲大鮑翅」、「六頭禾麻鮑」、「清蒸東星班」、「雲腿竹笙豆苗」、「脆皮鹽燒雞」、「海皇炒飯」、「上湯生麵」、「蓮子百合海底椰」、「壽包」等。先嚟乳豬全體，脆皮比較硬，咀嚼得唔夠仔細嘅話可能會被乳豬皮刮親。究其原因，應該係針功唔夠，畢竟手工密集嘅工序在香港已買少見少了；還好，蝦球炒得對辦，蝦多士亦十分香脆，可能先入為主嘅關係，我總覺得北角鳳城嘅蝦多士最好。其他菜色都係一般中菜館常見菜色，不過廚師嘅火喉真是十分平庸，如雞煲翅嘅湯汁比較稀，雖說雞味十足，但魚翅嘅作用完全見唔到，只可以話呢個係一個出色嘅雞湯，雞煲翅嘅話，湯底欠缺少少應有嘅膠質；東星班大概一斤半咁上下，可惜蒸得太老，肉質又鞋又韌，按道理斤半嘅魚冇理由蒸得咁差。環境幾光鮮，樓底高，引入大量室外光線，唔會有局促感；服務就比較慢
由於係團年飯兼且人數眾多(共18人)嘅關係，預訂嘅菜色比較豐富，包括「大紅乳豬全體」、「金銀窩貼明蝦球」、「發財多子瑤柱脯」、「砂鍋雞煲大鮑翅」、「六頭禾麻鮑」、「清蒸東星班」、「雲腿竹笙豆苗」、「脆皮鹽燒雞」、「海皇炒飯」、「上湯生麵」、「蓮子百合海底椰」、「壽包」等。
先嚟乳豬全體，脆皮比較硬，咀嚼得唔夠仔細嘅話可能會被乳豬皮刮親。究其原因，應該係針功唔夠，畢竟手工密集嘅工序在香港已買少見少了；還好，蝦球炒得對辦，蝦多士亦十分香脆，可能先入為主嘅關係，我總覺得北角鳳城嘅蝦多士最好。其他菜色都係一般中菜館常見菜色，不過廚師嘅火喉真是十分平庸，如雞煲翅嘅湯汁比較稀，雖說雞味十足，但魚翅嘅作用完全見唔到，只可以話呢個係一個出色嘅雞湯，雞煲翅嘅話，湯底欠缺少少應有嘅膠質；東星班大概一斤半咁上下，可惜蒸得太老，肉質又鞋又韌，按道理斤半嘅魚冇理由蒸得咁差。
環境幾光鮮，樓底高，引入大量室外光線，唔會有局促感；服務就比較慢，要等好耐先上另一道菜，可能太旺場之故。價錢平均每位大約六百，除夕之夜，六六無窮，也是一個好意頭。
张贴
