翔龍拉麵小籠包 (已結業)

环境很唔错既翔龙系我朋友比左几间选择我嘅其中一间，因为未试过，都想试下，住系呢头嘅我，好求其著到好似攀山咁嘅装束，就咁就行左入去，真系有D唔好意思，环境装修都唔错，都几有心思。好彩进场时己经差不多九点几，人唔系好多，有张卡位坐下，侍应放低左个menu，觉得个menu都好靓，都有心机设计过。其实有几味𩠌我都好想食，但因为今次试新野，咁都想食下未食过嘅，之前都试过好多黄金乜，黄金物，今次试下个黄金锅巴，几特别，之前都未食过，朋友就话食完好包，其实可以当饭食，最尾其实都食唔晒。冷盘有口水鸡，本人觉得好食过重口味嘅口水鸡，辣得黎好野味，仲唔系好油，另外试左一个之前亦都未食过嘅京烧羊腩，虽然话羊腩，但系一D都唔肥，仲无咩稣味，因为我唔钟意食有好稣味嘅羊肉。讲到小笼包，本来只叫左一笼，但因为好食，所以再叫多左一笼，小笼包做得好精致，小小一个但够汁，皮薄但不易夹烂，肉方便够软滑，真系feel到用心制作，有水准。到甜品方面，谂住佢咁大间餐厅都会出雷沙汤丸，结果都系无，其实真系唔知香港仲有边度揾到一间好食嘅雷沙汤丸了。