影片
更多
2012-11-05
249 浏览
又到左觀貓星期日，朋友相約黎我地屋企睇貓b們，七點未夠落黎呢個框框搵地方食晚飯，行左一圈，見呢間打冷平時都好多人食，咁啱室內有檯，跟朋友們一致贊成試下佢，點知......一致劣評佢！1.大蠔餅~用細碟上，摺叠成四層，於是啲油一層壓一層咁積落去結果最底嗰層係食唔到嘅，直頭係好似有汁浸住咁，蠔仔份量算合格，蛋同粉漿比例都ok,但只有邊位係脆其餘嘅就好似煎蛋咁，味道不過不失，但實在係太多油喇2.蠔仔肉碎粥~五個人叫左一窩，我做分五小碗嗰個，可以肯定講句成窩蠔仔粥都唔夠30粒蠔仔，湯底好味精，淨係得個咸字3.椒鹽三寶~我睇過menu嘅幾樣椒鹽小食後揀左要三寶，點知中招我以為係椒鹽鮮魷+九肚魚+椒鹽骨，但上檯時只見數片魷魚每人分唔到一片，下面一粒粒嘅係雞軟骨，第三寶我搵唔到而除左魷魚同軟骨，就只有腰果，我真係接受唔到@@*雞軟骨帶有微微南乳香，只係炸左，同椒鹽扯唔上關係4.薑蔥田雞煲~田雞份量少，味道好淡，仲要有啲位係未熟透，叫薑蔥但佢成煲野都係蔥同蒜，一條薑絲都搵唔到睇返張手寫單，原來佢係寫“冲田雞“，咁都唔知係邊個錯喇5.金銀蛋豆苗~阿姐話無莧菜，所以轉左豆苗，份量算幾多，但味道麻麻金銀蛋見
七點未夠落黎呢個框框搵地方食晚飯，行左一圈，
見呢間打冷平時都好多人食，咁啱室內有檯，
跟朋友們一致贊成試下佢，點知......一致劣評佢！
1.大蠔餅~用細碟上，摺叠成四層，於是啲油一層壓一層咁積落去
結果最底嗰層係食唔到嘅，直頭係好似有汁浸住咁，
蠔仔份量算合格，蛋同粉漿比例都ok,但只有邊位係脆
其餘嘅就好似煎蛋咁，味道不過不失，但實在係太多油喇
2.蠔仔肉碎粥~五個人叫左一窩，我做分五小碗嗰個，可以肯定講句
成窩蠔仔粥都唔夠30粒蠔仔，湯底好味精，淨係得個咸字
3.椒鹽三寶~我睇過menu嘅幾樣椒鹽小食後揀左要三寶，點知中招
我以為係椒鹽鮮魷+九肚魚+椒鹽骨，但上檯時只見數片魷魚
每人分唔到一片，下面一粒粒嘅係雞軟骨，第三寶我搵唔到
而除左魷魚同軟骨，就只有腰果，我真係接受唔到@@*
雞軟骨帶有微微南乳香，只係炸左，同椒鹽扯唔上關係
4.薑蔥田雞煲~田雞份量少，味道好淡，仲要有啲位係未熟透，
叫薑蔥但佢成煲野都係蔥同蒜，一條薑絲都搵唔到
睇返張手寫單，原來佢係寫“冲田雞“，咁都唔知係邊個錯喇
5.金銀蛋豆苗~阿姐話無莧菜，所以轉左豆苗，份量算幾多，但味道麻麻
金銀蛋見到嘅就係面頭一pat咸蛋白，皮蛋搵到三數小粒
整個湯汁都只有蒜子味而食唔出白銀蛋，但奇怪地有啲菇粒
6.滷水鵝片拼大腸~追左幾次，其他野食晒先上檯，鵝片預左係得幾片，
刀唔夠利，切得唔靚，食落有啲鞋口，滷水汁偏咸但唔香
豬大腸好肥，斜切都仲見到有一圈肥膏，口感軟韌有嚼勁
但洗得唔夠乾淨，越趙越有臭味，本身鍾意食都朋友都放棄佢
墊底有花生同豆腐，花生夠淋夠入味，豆腐都不過不失啦
## 除左食物唔掂，呢度嘅服務都強差人意，舉手無人應迫住你要好大聲叫，叫完佢未必會同你跟進，真係激鬼氣
张贴
