星期四晚少人好多, 入去都唔少人, 但見到角落有張二人桌, ARM哂我地, 便坐下了.
睇多次個MENU, 都係覺得套餐最實惠; 今次我地睇中比較貴的SET, 要248, 不過如果食物質素同上次一樣, 都係合理的.
個餐有
- 雜錦刺身
- 焗蠔 (二人餐, 一人一隻)
- 鮑魚湯 (份量唔少, 每人飲到接近兩碗)
- 炒飯 (忘記了用料...)
- 甜品, 益力多布甸
刺身好得, 各樣魚都好新鮮; 章魚係差小小, 不過大部份都好正斗, 但蝦香甜到殺死人, 半點腥的感覺都沒有.
焗蠔都幾好味, 有隻匙方便你食, 大大隻, 頗抵食.
用茶壺裝的鮑魚湯唔錯, 雖然個味濃左D, 不過係要濃先覺得佢夠份量呀; 重有D湯料都唔少, 幾ARM我食.
炒飯就夠飽肚, 不過多左D油, 女友食完都話比較膩.
布甸水準仍然保持, 唔錯.
可能今次個位唔會左右有人, 感覺舒服多好多.
夥計招呼都幾好, 加水夠主動都夠快, 值得一讚.
佢個價錢唔係平, 不過以食物味道來說是值的~
