麻辣風雲 (荃碧大廈) (已結業)

之前已經食過好幾次麻辣風雲，每次食都係咁有驚喜同好食😍作為麻辣風雲Fans嘅我，今日嚟到荃灣分店，繼續食盡最好食嘅川菜😍愛重口味嘅朋友一定要食🥢乾煸肥腸，肥腸嘅肥油令到成碟餸都香噴噴，雖然超重口味，但麻辣可以分解到肥腸嘅油脂，一完會食到停唔到口🙈當然不可不食🥢酸菜魚，分量澎湃驚人，魚片啖啖肉無骨頭同魚腥味，湯底酸得嚟夠清甜，同朋友share一大盤酸菜魚好爽呢🤭既然食川菜，點可以唔食🥢口水雞🤤好欣賞呢個口水汁，蒜蓉嘅味道好強烈，仲有花生碎、炸蒜、辣椒醬，雞肉沾滿口水汁，真係好上癮嘅味道🔥實在太欣賞佢嘅口水麻辣汁，所以叫多碟🥢麻辣雞翼尖😆啃雞翼尖已經好正，啲辣油更加提升咗雞翼尖嘅味道，好彩有叫埋🥰