影片
更多
2022-07-28
22 浏览
大埔新開咗一間鐵板燒OMAKASE，餐廳環境私隱度高，容納人數大約14個人，好適合包場或同朋友收工後黎飲杯野，食吓飯。以西，日Fusion嘅鐵板燒，而每碟菜嘅自家製醬汁都係唔一樣，絕對係心思之作。而且餐廳無時段限制，收工過嚟飲嘢食嘢十二點收舖都冇問題，難怪只係開鋪短短一個月，周末嘅日子已經一位難求。酒水方面由清酒，啤酒紅白酒至梅酒都有🍷Bar枱位置上面仲有一個大魚缸，好特別。 OMAKASE價錢由$588起已經有咁高質嘅晚餐，侍應服務亦好好，每一道菜都有專業認識👍🏻沙律🥗用上空運沙律菜，羽衣甘藍，火箭菜，紅毛菜，青瓜，青木瓜絲同車厘茄，以日本柚子汁同意大利黑醋汁伴碟，混合幾款沙律菜令每食一啖都有唔同嘅味覺，沙律汁甜甜地好醒胃法國魚子醬配日本溫泉蛋 🥚 魚子醬嘅鹹味可以提升溫泉蛋嘅味道，係法式cross over日式嘅高級豆腐花鐵板虎蝦 🦐 用左八頭大隻虎蝦配上蝦頭膏調配嘅汁令蝦嘅鮮味更特出，肉質好彈牙，勁新鮮！伴碟嘅小蘑菇係用日本櫻桃蘿蔔雕刻，好有心思東昇斑 🐟 用新鮮東昇斑燒到7至8成熟，上碟前再用火槍燒出魚嘅油脂，令斑更滑。配上新鮮柚子皮調製嘅汁同檸檬汁，令魚嘅鮮味更提升燒廣島蠔
以西，日Fusion嘅鐵板燒，而每碟菜嘅自家製醬汁都係唔一樣，絕對係心思之作。而且餐廳無時段限制，收工過嚟飲嘢食嘢十二點收舖都冇問題，難怪只係開鋪短短一個月，周末嘅日子已經一位難求。
酒水方面由清酒，啤酒紅白酒至梅酒都有🍷Bar枱位置上面仲有一個大魚缸，好特別。
OMAKASE價錢由$588起已經有咁高質嘅晚餐，侍應服務亦好好，每一道菜都有專業認識👍🏻
沙律🥗
用上空運沙律菜，羽衣甘藍，火箭菜，紅毛菜，青瓜，青木瓜絲同車厘茄，以日本柚子汁同意大利黑醋汁伴碟，混合幾款沙律菜令每食一啖都有唔同嘅味覺，沙律汁甜甜地好醒胃
法國魚子醬配日本溫泉蛋 🥚
魚子醬嘅鹹味可以提升溫泉蛋嘅味道，係法式cross over日式嘅高級豆腐花
鐵板虎蝦 🦐
用左八頭大隻虎蝦配上蝦頭膏調配嘅汁令蝦嘅鮮味更特出，肉質好彈牙，勁新鮮！伴碟嘅小蘑菇係用日本櫻桃蘿蔔雕刻，好有心思
東昇斑 🐟
用新鮮東昇斑燒到7至8成熟，上碟前再用火槍燒出魚嘅油脂，令斑更滑。配上新鮮柚子皮調製嘅汁同檸檬汁，令魚嘅鮮味更提升
燒廣島蠔 🦪
本身係可以刺身食用嘅廣島蠔，用鐵板燒燒至七成熟，再配上日本獨子蒜同煙肉嘅醬汁，底部有少量竹炭鹽，令蠔更鮮同惹味
燒鮑魚
底部用咗玫瑰鹽，上面用咗日本獨子蒜提升海水味，配埋用蝶豆花同海鹽打出嚟嘅泡沫，除咗有視覺效果同口感，仲會令鮑魚嘅味道更fresh，我好鍾意一入口嘅感覺，先有泡沫感，再帶有海鹽味，再有鮑魚嘅彈牙感，係三重味覺享受
法式鵝肝凍 🦆
四重口感嘅小食，用法國鵝肝打蓉製作一晚，係心思之作。食落有口感，底部用上自家製嘅菠蘿醬，配檸檬蛋白cream，加埋法式魚子醬，令味道發揮極致。而菠蘿醬食多多都唔會起釘，係解膩之作
燒牛舌 🥩
牛舌大片肉厚，爽口燒至七成熟，伴碟有由淡和濃味嘅醬汁配搭，葡萄雪梨汁為前者，竹炭鹽蒜片為後者。
宮崎豬 🐷
宮崎出名肉質嫩又唔肥，同樣有淡和濃味嘅醬汁配搭，分別係加入蔬菜嘅秘製菠蘿汁，非常順喉，配無額外調味嘅豬更覺清新。而蒜蓉牛油汁好香牛油味，我個人鍾意菠蘿汁嘅配搭。
白味噌湯&大蝦炒飯 🍚
清甜味噌湯同海帶片配粒粒分明嘅炒飯作結尾
紅酒燴雪梨 🍐
甜品有驚喜，平時食日式鐵板燒只有現成雪糕/紅豆餅，相返呢度係自家製嘅紅酒燴雪梨。加入檸檬蛋白cream令紅酒汁更滑，食完個雪梨仲可以帶走油膩感。
1 浏览
0 赞好
0 留言
张贴
