龍華(瑞興)大酒樓 (已結業)

跟隨爸爸同班朋友一齊來食飯，返到香港短短兩日，已經食第二餐燒味。其實以前都來過一次，記得依度燒肉好食，又唔係太肚餓，於是來左一碗叉燒燒肉飯。一碗既份量其實都唔少，但比一碟少，啱晒細食既人要啦。叉燒感覺上有D太林，蜜汁味夠未至於好香，唔差但只係普通貨。燒肉則好好食，個皮好脆，肥瘦適中。阿爸都話依度既燒肉係全港其中一度最好。同枱既叫左梅菜扣肉飯同埋豉椒魷魚炒麵，冇試到但睇落去都好似好好食。同埋原來豆腐花係任食唔駛錢，但最衰唔夠時間食。