緣聚 (已結業)

聽元朗谷友講話緣聚開返，仲係同一地址，即刻同屋企人黎試下先，事關商場個間真係食到有啲悶，屋企人又唔願意跨區出去食。諗住黎食個午市，由12點食到3點$248一位，點知屋企人睇完餐牌後話想要埋生蠔任食，咁加多$190，就變相成個餐牌嘅野都食得，加埋一要差唔多$480一位，講真唔平㗎，豪豪地試一試佢先😌🍣刺身、壽司出得快，新鮮無漏單，細細件一口一件，試過啱口味再encore🤭🍤熱食點了很多串燒、天婦羅、比目魚扒等，全部熱辣辣，其中呢串鰻魚燒必點推薦！肥美彈牙勁好食，不斷encore🤤🦪生蠔屋企人最期待的生蠔，即開關係都要少少時間上，大約等左十分鐘，唔算好肥但至少夠新鮮，幾鮮味添，比唔少所謂特價生蠔嘅西餐廳高質，放題喎，都唔會期望佢隻隻又大又肥啦，收貨有餘，而且任點唔嬲，不停落單都黎足數量👍🍨甜品除左雪櫃有雪糕、雪條任拎外，仲有得落單點下特製嘅，芭菲係一次性，要諗清楚要邊款口味。另外仲有銅蘿燒、鯛魚燒、焦糖布甸等，想試晒真係要兩個胃😆🍹飲品有支裝、罐裝汽水、果汁、啤酒等，餐牌內亦有特飲可order，另外因爲升級左，所以有埋清酒、梅酒任飲，愛喝一杯嘅話勁多選擇呀。美中不足係無無糖熱飲，餐牌有熱水