陳根記 (已搬遷) 新店位置

20060807久不久都鍾意去陳根記食小菜，因為地方夠大，十足的大排檔風味之餘尚算清潔，而食物就又平又好食。同大熊兩個人，正值劇集時段，同大熊選個電視靚位就叫：（1）粉絲中蝦煲中蝦好大隻，啖啖肉！而數量都唔少，好好味！（2）薑蔥抄蟹一座小蟹山，份量比其他食店多（可能係其他食店少），蟹件劈得都幾細，易咬，不過味道略咸。（3）豉汁蒸鱔鱔片好薄，而且油實在太多。連汽水x3 埋單：二百有找食物味道或份量一向都唔會令我失望，即使間唔中都會有一次半次的「太油」，但整體都係令人滿意。而以大排檔的服務來講，呢度算好好啦。