十兄弟車仔麵 (已結業)

香港充滿各種特色美食，車仔麵便是其一，第一眼望見呢間位於灣仔嘅 - 十兄弟車仔麵，就已經深深吸引我。行入舖頭係正宗嘅港式茶餐廳風格🥰，鋪面乾淨企理，餐牌上都有唔少嘅選擇，單單自選餸就已經有50幾種。組合麵就有六種，可以自選粉麵或同埋湯底😋😋。65蚊柱侯牛四寶我揀左腩汁做湯底🥣，湯底濃郁，牛坑腩炆得好焾，肉香十足🍖 ；牛筋一咬就斷，啖啖骨膠原；牛丸入口一咬即爆，肉汁鮮嫩；金錢肚口感鬆軟，一咬就開。🤗38蚊嘅香辣玻璃魷魚，口感彈牙，有咬口😊，配上辣醬，愈咬愈香，推介👍👍中意食車仔麵嘅推薦嚟食，絕對滿足大家唔同嘅選擇。