安安燒 (染布房街) (已結業)

仲記得以前係旺角收工好鍾意同同事去食串燒飲啤酒爽下，做左全日野總要放鬆一下，早兩日心癮起想去食串燒啤啤佢，特登黎返依間串燒店回憶下，同以前一樣店內既客人都係人山人海，等左一陣就有位啦串燒種類繁多，有幾樣係我必叫必食，每次我食完都超滿足甜蜜脆脆糖燒菠蘿其實係脆皮冰糖菠蘿，燒菠蘿淋上蜜糖漿再用火槍燒一燒面層，再過一過冰水，放上雪凍既碟上，甜得黎帶酸再湧出菠蘿汁，好好味烤雞腎串、燒韮菜同燒超惹味雞泡魚干燒得好香，伴酒一流不忘食依度既甜蜜司華力腸，濃濃蜜糖脆皮，燒得剛好超好食!食咁多肉肉串燒，唯一叫惹味蒜蓉生燒茄子同蒜蓉牛油焗金菇當食菜平衡下，茄子用蒜蓉淨燒已經夠濃郁入味，入口即溶! 金菇都係蒜蓉焗，爽嫩口感無得輸必叫既醬燒雞中翼，外皮燒得香脆惹味，一咬雞肉肉汁仲存在，好入味非常juicy!最後全晚最欣賞既金銀蒜蓉燒生蠔，雖然都係蒜蓉燒，但生蠔入口好新鮮，蠔味十足又爽甜，蠔肉夠哂厚身大粒，真係物超所值